作词 : Anna Coddington
作曲 : Anna Coddington
I pikia he maunga ki te taumata
Te haeata i tāria
I rukuhia te moana ki te takere
Te wairua i hurere
Pō noa mai rā, ka kawea tāua ki hea
He aho whirirua te toro ki ngā whetū

Ko tō manawa, ko tōku manawa
Ka irikura e
Paetata, Pae tuatawhiti
Ka irikura e

I hoea he waka ki wē moana
Marino pounamu
Te wai whakaata, he rerehua
Te māra a Ngātoro
Pō noa mai rā, ka kawea tāua ki hea
He aho whirirua te toro ki ngā whetū

Ko tō manawa, ko tōku manawa
Ka irikura e
Paetata, Pae tuatawhiti
Ka irikura e

I pikia he maunga
Ki te tihi
I rukuhia te moana
Ki tōna papa
He mea nui, kia taupiri, kia tauawhi
Kia (ko)tahi tāua

Ko tō manawa, ko tōku manawa
Ka irikura e
Paetata, Pae tuatawhiti
Ka irikura e